martes, 20 de octubre de 2009

Logroñoko analisia

Logroñoko analisia from aitziber on Vimeo.


Azken finean, eta ikaskide guztien analisi lanak ikusti eta gero, guztiok antzeko ondorioetara iritsi garela ikusten dut. Era batean edo bestean, gaur egungo egoera azterturik, proposamenetan guztiak saiatu gara alde zaharra indartzen; bertara jendea, erabilera berriak, komertzioak eta abar erakarriz, hala nola parkeari beste izaera bat ematen, batez ere ondoan ibaia izateak, hainbat aukera eskaintzen dituelako.
Gure kasuan, eta adibide edo proposamen azkar bezala baratza publikoen ideai bota genuenez, bide horretan sakonduz joan gara. Dena den, lauhilabeteko lanari begira, ez zait iruditzen ideia hoberena denik, ez behintzat bide bakar horretatik abiatzeko. Parkeari beste izaera bat eman behar zaiola pentsatzen dut, aztarnekin lotura izateko eta hainbeste degradatu den alde zaharrari iparraldetik babes bat eskaintzeko, baina baratzen ideiaz gain, bestelako erabilerak tartekatu beharko lirateke.
Ariketa aurreratu ahala, hasierako ideia eraldatuz joango da!

jueves, 8 de octubre de 2009

Bloggarekin adiskidetzen...

Zaila egiten zait orain arte erabilitako ohiko koadernoa bloggaren bidez "ordezkatzea", zaila egiten zaidalako nire lanak besteen begi-bistan jartzea. Baina aurtengo helburu garrantzitsuenetako bat, hain zuzen ere hori izango da, nire lanetan sinestea eta beraz blogga egunerokotasunez erabiltzea.
Bestalde, iazko esperientzia ezagutuz, klaseen metodologia egokia iruditzen zait, bai talde lana lantzeko eta aurrez aipatutako nire puntu ahul hori aldatu ahal izateko (talde lanak niganako segurtasuna lortzeko bidea ematen didalako); bai bakarkako lana, bakoitzaren irudimena garatzeko.
Gogotsu hasten dut kurtsoa, programa erabat ezberdineko proiektuen esperoan. Izan ere, 4. mailako proiektuak, orain arteko metodologiatik aldentzen dira eta agian etorkizunerantz eta lan mundurantz begira ez badira ere oso proiektu errealak, benetan ikasgaiaz gozatzen eta lanarekin disfrutatzen erakusten digute.
Teoria klaseei dagokienean, aberasgarriagoak iruditzen zaizkit irakasleen bidaien edota esperientzietan oinarritutako klaseak, hala nola arkitektura hutsean zentratu gabe, argazkilaritza, zinea, musika... eta bestelako alderdiak klasera ekartzea, bi orduko hitzaldi monotonoak baino. Azken finean teoria klaseez disfrutatzea ere garrantzitsua baita!!